SSLC RESULT 2015 - click here
- ചരിത്രം
1957 ല് സ്ഥാപിതമായ കണ്ണൂര് ജില്ലയിലെ സര്ക്കാര് വിദ്യാലയം.കണ്ണൂര് ജില്ലയുടെ കിഴക്കന് മലയോരപ്രദേശത്തിലേക്കുള്ള കവാടങ്ങളില് ഒന്നായ ഇരിക്കൂര് പട്ടണത്തില് നിന്നും ഒരു കിലോമീറ്റര് മാറി ഇരിക്കൂര്-ബ്ലാത്തൂര് റോഡിനോടു ചേര്ന്ന് ഒരു കുന്നിന്മുകളില് സ്ഥിതി ചെയ്യുന്നു.ഇരിക്കൂര് പട്ടണം വളരെ പഴയ ഒരു വ്യാപാര കേന്ദ്രമായിരുന്നു.
കുടകുമലനിരകളില് നിന്നും വയനാടന് കുന്നുകളില് നിന്നും ഒഴുകിയിറങ്ങുന്ന കണ്ണൂര് ജില്ലയിലെ ഏറ്റവും നീളം കൂടിയ നദിയായ വളപട്ടണം പുഴയുടെ തീരത്താണ് ഇരിക്കൂര് സ്ഥിതിചെയ്യുന്നത്.ഇവിടെ വളപട്ടണം പുഴ അറിയപ്പെടുന്നത് ഇരിക്കൂര് പുഴ എന്നാണ്.പ്രസിദ്ധമായ മാമാനിക്കുന്ന് മഹാദേവി ക്ഷേത്രവും നിലാമുറ്റം മഖാമും സ്കൂളിനു സമീപം സ്ഥിതിചെയ്യുന്നു.
1957 ല് നിര്മ്മിക്കപ്പെട്ട കെട്ടിടത്തിനു പുറമെ ചെറുതും വലുതുമായി എട്ടോളം കെട്ടിടസമുച്ചയങ്ങള് ഇന്ന് സ്കൂളിനു സ്വന്തമായുണ്ട്.കല്ല്യാട്ട് താഴത്ത്വീട്ടില് കുഞ്ഞപ്പനമ്പ്യാര് സൗജന്യമായി നല്തിയ പത്ത് ഏക്കര് സ്ഥലത്താണ് സ്കൂള് സ്ഥിതിചെയ്യുന്നത്.
2010 മാര്ച്ചില് ഹയര്സെക്കന്ററി വിഭാഗത്തിന് പുതിയ കോംപ്ളക്സ് ഉദ്ഘാടനം ചെയ്തു.ഹയര്സെക്കന്റി വിഭാഗത്തില് സയന്സ്-രണ്ടു ബാച്ച്,ഹ്യുമാനിറ്റീസ്-രണ്ട് ബാച്ച്,കൊമേഴ്സ് ബാച്ച് എന്നിവയുണ്ട്.ഹൈസ്കൂള് വിഭാഗത്തില് പതിനെട്ട് ഡിവിഷനുകളും പ്രൈമറി വിഭാഗത്തില് ഏഴു ഡിവിഷനുകളും ഉണ്ട്.അഞ്ച്,ആറ് ക്ലാസ്സുകളില് ഓരോ ഇംഗ്ളീഷ് മീഡിയം ഡിവിഷനുകളുമുണ്ട്.
ഭൗതികസൗകര്യങ്ങള്
